我只系好负责任咁话畀你听, 呢个世界系有几残酷
都唔使我多讲,
婴儿潮老人家
婴儿潮老人家的特征如下, 冇对或错, 好明显好多嘢都适应唔到现今社会嘅急切又残酷嘅转变:
1. 钟意买楼, 以为仲系九十年代, 仲可以一变二, 二变四, 四变八。点知佢哋啲下一代就系八变四, 四变二, 二变一。我阿妹嗰类, 直头系连猫/狗/人/洋娃娃都懒得养。啲楼随时冇人住。
2. 比较钟意打电话。唔识得用facetime, WhatsApp Call。
3. 钟意听80年代, 90年代嘅歌, 非常之浸淫, 自我陶醉喺嗰段所谓香港辉煌时间。我觉得呢个先最恐怖, 你谂下, 如果过多二/三十年都系听呢啲歌。
4. 钟意「紙」, 月历日历嗰啲,同埋用现金银纸。上大陆就最钟意塞人民币银纸畀人。啲帐单月结单呢, 就系点都要印咗出嚟, 先至安乐。钟意报纸嗰浸味。
5. 唔识得用转数快。惯咗手钟意写支票同落银行分行排隊转帐。一半银行排队人士系银发族。例如, 渣打要排两小时以上, 南洋午饭时间要排一个钟。
5. 星期日朝头早钟意饮茶。🫡 屋邨酒楼大半都系由佢哋佔领。啲嘢又贵, 又唔健康, 又唔好食。中咗奸商的下怀。喜提三高健康问题证书。
6. 科技系被迫使用嘅, 係社会强行加诸于佢哋身上嘅, 而唔系为佢哋带嚟方便。
7. 旧有嘅行为模式, 係唔可以轻易改变。正所谓「食盐多过你食米」, 以为永远「越老就越好」, 都已经习惯咗成五十几年, 就算话畀佢哋听新事物新科技有几好, 佢哋都未必会接受, 佢哋迟早都会用返之前嘅传统模式。退咗休嘅话, 佢哋根本就冇必要再学, 到期时就要全世界人迁就佢哋, 咁其实都好正常。不过唔肯学嘢呢, 就会脑退化。
8. 屋企好多旧嘅嘢唔肯丟。最钟意就系製造过期食品。DVD, CD, VHS, 有钱啲嘅话, 就成屋都系嗰啲垃圾机, 同碟/帶之类。
9. 老咗就开始冇条理。啲嘢乱咁挤。冇位嘅话, 啲嘢就乱咁塞。无啦啦个柜桶连埋其他嘢, 突然夹住一张银纸。
作为后辈, 咁应该点样应对呢?
1. 千祈唔好将自己个时间表塞满, 如果唔系, 就冇时间照顾其他人。
2. 佢哋要旧有嘅模式, 就继续纵容佢哋。改变嘅系你自己, 而唔系佢哋。
3. 佢哋几烦都好, 你控制唔到嘅嘢, 你都一定要欣然接受。塞啲补品畀佢哋食, 等佢哋唔好咁快退化。
4. 定期检查食品有冇过期, 唔系就食到肚痛肚屙入医院生虫。
5. 分担家务。尤其是高空工作, 搬重嘢嗰啲。
6. 如果去银行排队真係一个乐趣就由佢哋去排。你得闲就帮佢哋揿下转数快。
7. 习惯向佢哋重复自己嘅说话。佢哋未必第一次就听得明。佢哋唔记得嘢, 就要重复提醒佢。以「不断重复提醒佢, 及尽可能不断重复自己的说话」, 成为我自己嘅乐趣。
8. 如果唔系啲乜嘢重大决定, 尤其是嗰啲门面嘢, 可以先同意佢哋嘅说话,就算你之后枱底阳奉阴违都好。
佢哋係会坚持佢哋自己嗰套当然系最正, 你就千祈唔好浪费时间同佢哋拗。🤭
你用佢哋嗰套大清律例去生存, 都未必适合你。
AI 收拾人矿
1. 香港隧道收费亭阿姨收皮
扫街又收皮
迟啲洗碗又收皮
全家低技术, 日日食屎飽
2. 华为再出手，智驾系统要看懂交警手势了？
https://pc.yiyouliao.com/microsoft/article/rivers/newsfeed/1531576099383816194/ID006GM36WSB83G.html?channel=12d892470c3c45cc885dc575e92f1ed0
华为将会收拾香港 van仔, 巴士, 黑的。
边个收拾侍应, 边个就发达。
仲有收拾美团送外卖嗰班🤒
仲有边个「低端人口」🫣喺深圳市嗰度乞食, 就全部赶到去五线包尾乡下肇庆市嘅「边位」嗰度乞食。连肇庆市都唔系, 就嚟要赶去隔离省江西。
赶人出深圳市都唔系第一日发生啦。
以前啲低端产业都已经被赶出深圳市, 只有高新企业才留得低。
人矿一世辛苦命, 都要被收拾。直头系不近人情啦。
连标记(bill gates), 耳窿妈(Elon musk) 都冇考虑去解决社会问题。
「讲乡」區議會選舉
今日投票俾边个都一样,
去当打卡啦, 政府叫到呀嘛。
我哋呢啲「顺民」一定听,
佢话乜我就话乜,
唔似嗰啲刁民。
新冠针都打咗五次。
到咗个票站,
工作人员话冇得投,
话全港发票系統坏晒。
连投个票都仲要咁肉酸。
真系要好爱国爱港,
先至投到票。
咁简单嘅嘢都做唔到
话坏晒, 梗係外包之后又外包又再外包又再外包, 包包下, 由香港包到去大陆, 大陆再包到去印度, 啱唔啱呀?
最底层嗰个, 就拎嗰两万银, 草草整成个全港投票网站系統啦, 系咪呀?
香港 IT人士对香港 IT 完全失去信心。
呢度香港定印度呀? 呢啲政府嘢嚟㗎喎即系冇晒面呀政府, 咁都搞唔掂。
區議會選舉｜全港票站電腦故障 職員證實電子選民登記冊無法使用
https://www.hk01.com/article/970158
转咗用人手, 又排隊,
好彩我冇离开票站啫。
20:47▶投完啦, 前前后后等咗成粒钟, 加油兼食屎喇。
=================
冇幫襯「讲乡」个邮轮码头, 咁多行李, 要爱国爱港, 就帮襯「讲乡」邮轮码头, 就要焗搭的士。🤣
冇人顶得顺啟德恶劣交通。
点解叫「讲乡」, 因为香港做实事嘅人唔多, 最多就系得个讲字。
做得好, 飞去日本, 再由日本邮轮码头出发。呢啲叫做冇眼屎干净盲。
做上司呢就将自己嘅责任推得一干二净, 全部嘅嘢推晒畀下属做。有水份嗰啲project就外包再外包, 二判三判到十判。所以全部都系得个讲字坐喺度䟴䟴脚乜都唔使做。返工等放工, 养埋一大班废柴咁样。
又唔炒得人, 因为每次炒人, 都要写一大堆report, 咁鬼烦, 索性唔再炒人, 又要维持返成个大机构嘅 「良心企业」「良心政府」等等嘅形象。
净返两个半麦包, 同埋两条劏咗嘅红衫鱼喺雪柜。
掉兩条红衫鱼落去喂鱼缸。
年长员工兼职
误打误撞, 今日遇到,
可能有多一个年长员工兼职。
有人介绍。🤒
佢去澳门去赌, 因为好闷喎,
佢唔喜欢大陆(big six),🤣
但係人哋唔知几叻喎。
唔知人老咗有冇转牛角尖。
睇下周一,可不可以面试她。
佢得闲到呢, 要搵兼职。
无兒无女无兴趣,
唔钟意养猫狗唔钟意去老人院做义工,
只系钟意打工。
呢个人真系好勤力。咁钟意返工。
唔知佢钟唔钟意就系畀啲垃圾制度困住,
又唔会去研究个制度本身究竟有啲乜嘢问题,
有啲人做老板呢就最钟意呢啲返工人喇。
我系要拣「正常人」,
唔系要最叻嗰个,
亦都唔系「奴性」最重嗰个
所以我最钟意係林郑做特首,
师奶挤爆暗疮最叻,
将香港卡住嘅问题挤到一干二净。
下一届就冇咁多暗疮畀佢挤, 所以佢做一届就够啦。